Ózbekstan Respublikası Prezidentiniń 2024-jıl 9-yanvardaǵı PQ-8-sanlı qararına muwapıq Sanlı texnologiyalar ministrligi, “Sanlı húkimet joybarların basqarıw orayı” mámleketlik shólkemi hám “Birden-bir integrator – Uzinfocom” JShJ menen birgelikte islep shıǵılǵan Birden-bir esabatlar sisteması sheńberinde esabatlardı qabıl etiwshi mámleketlik shólkemler ushın arnawlı modul engizildi. Usı jıldıń 4-dekabr kúni Qarar menen belgilengen esabatlardı qabıl etiwshi mámleketlik shólkemlerdiń juwapker xızmetkerleriniń qatnasıwında sistemanıń bul modulinde esabat formaların jaratıw, isbilermenlik subiektleri tárepinen jiberilgen esabatlardı qabıl etiw hám olardı analizlew imkaniyatları boyınsha prezentaciya seminarı shólkemlestirildi. Sonday-aq, seminarda sistemanı tolıq islewine tayarlıq kóriw, baqlanıwı múmkin bolǵan kemshiliklerdi saplastırıw hám onı isbilermenler ushın jánede qolaylı etip iske túsiriw boyınsha hár tárepleme dodalawlar ótkerildi. Seminar juwmaǵında barlıq qatnasıwshı mámleketlik uyımlar hám shólkemler menen turaqlı túrde birge islesiwdi jolǵa qoyǵan halda sistemanı qısqa waqıt ishinde ámeliyatqa engiziw boyınsha kelisip alındı.