Usı jıldıń 14-aprel kúni Ózbekstan Respublikası Milliy statistika komitetinde Kásiplik awqamı komiteti tárepinen 2024-jılda ámelge asırılǵan jumıslar turalı esabat jıynalısı bolıp ótti. Ilajda Milliy statistika komiteti baslıǵı orınbasarı Ziyayev Dárwishjon Muratovich basshılıǵındaǵı oraylıq apparat juwapker xızmetkerleri de qatnastı. Jıynalısta Kásiplik awqamı komiteti aǵzası Nigora Dehkanova sózge shıǵıp, 2024-jıl dawamında ámelge asırılǵan jumıslar tuwrısında esabat berip ótti. Sonıń menen birge, Kásiplik awqamı komiteti tárepinen statistika salasında islep pensiyaǵa shıqqan xızmetkerler hám mútajligi bar shańaraqlar ushın kórsetilgen materiallıq -ruwxıy kómekler hám de sol sıyaqlı jumıslar nátiyjeleri esap-kitap etildi. Jıynalıs juwmaǵında qatnasıwshılar tárepinen dawıs beriw jolı arqalı Milliy statistika komiteti Kásiplik awqamı komitetiniń jańa quramı saylandı. Jıynalıs qatnasıwshıları tárepinen eń kóp dawıs menen Dizimge alıw processlerin shólkemlestiriw hám ótkeriw basqarması baslıǵı Nurbek Sheraliyev Kásiplik awqamı baslıǵı, Demografiya, miynet hám gender statistikası basqarması baslıǵı Zoyir Yuldoshev onıń orınbasarı etip saylandı.

Ózbekstan Respublikası Prezidenti pármanına qaray Statistika agentligi qayta shólkemlestirilip, Milliy statistika komiteti dep at berildi. Jańa komitetke statistika sistemasın xalıq aralıq standartlarǵa uyqas halda rawajlandırıw, maǵlıwmatlar isenimliligin asırıw hám statistikalıq esabatlardı jetilistiriw wazıypası júkletildi. 2025-jıl juwmaǵına shekem “Aymaqlar statistikası” informaciya sisteması jumısqa túsiriliwi joybarlastırılǵan. Sonıń menen birge, jasalma intellekt tiykarında “Máslahátchi” hám “Analizchi” ınteraktiv xızmetlerin engizilip, call-oray iskerligi jolǵa qóyıladı. 2025/2026 oqıw jılınan Tashkent mámleket ekonomika universiteti quramında Ekonomikalıq statistika kafedrası filialı ashıladı.