Yagona hisobotlar tizimi
Barcha tashkilot va subyektlar uchun markazlashtirilgan hisobotlar platformasi
Matbuot anjumaniga taklif etamiz
Yangi imkoniyatlar va bo‘lajak o‘zgarishlar haqida bilib oling — onlayn sessiyaga qo‘shiling
Choraklik hisobotni topshirish muddati
Choraklik hisobotlarni o‘z vaqtida topshiring. Jarimalardan qochish uchun hujjatlaringizni oldindan tayyorlang
Yangi «Analitika» moduli
Tizimda interaktiv statistika mavjud: hisobot holatini va asosiy ko‘rsatkichlarni real vaqt rejimida kuzating
700 000+
Tadbirkor
Hisobot topshirish jarayoni soddalashtiriladi
11
Hisobot
Yagona platformaga integratsiya qilinadi
14
Tashkilot
Hisobot qabul qiluvchi subyekt sifatida ulanadi
Hisobot topshiruvchi tadbirkorlar
| Hudud | Hududlarda tadbirkorlar soni |
|---|---|
| Toshkent shahri | 140 000 |
| Toshkent viloyati | 144 000 |
| Andijon viloyati | 90 000 |
| Farg‘ona viloyati | 60 000 |
| Namangan viloyati | 55 000 |
| Samarqand viloyati | 50 000 |
| Buxoro viloyati | 45 000 |
| Qashqadaryo viloyati | 45 000 |
| Surxondaryo viloyati | 40 000 |
| Jizzax viloyati | 35 000 |
| Sirdaryo viloyati | 30 000 |
| Navoiy viloyati | 25 000 |
| Xorazm viloyati | 25 000 |
| Qoraqalpog‘iston Respublikasi | 25 000 |
Tizim afzalliklari
Markazlashtirilgan boshqaruv – barcha hisobotlar yagona platformada jamlangan
Tezkor va qulay foydalanish – kerakli maʼlumotlarni osongina topish va yuklab olish mumkin
Maʼlumotlarning ishonchliligi – hisobotlar aniq va tizimli shaklda taqdim etiladi
Integratsiya imkoniyati – boshqa davlat va xususiy tizimlar bilan moslashuvchan bog‘lanish
Tashkilotlar
Raqamli texnologiyalar vazirligi
Milliy statistika qoʻmitasi
Soliq qoʻmitasi
Iqtisodiyot va moliya vazirligi
Investitsiyalar, sanoat va savdo vazirligi
Istiqbolli loyihalar milliy agentligi
Davlat aktivlarini boshqarish agentligi
Raqobatni rivojlantirish va iste'molchilar huquqlarini himoya qilish qoʻmitasi
Sоg‘liqni saqlash vаzirligi
Yangiliklar
Hammasini ko‘rish
Tashkiliy o‘zgarishlar
Kasaba uyushmasi qoʻmitasining hisobot yigʻilishi oʻtkazildi
Joriy yilning 14-aprel kuni Oʻzbekiston Respublikasi Milliy statistika qo‘mitasida Kasaba uyushmasi qoʻmitasi tomonidan 2024-yilda amalga oshirilgan ishlar yuzasidan hisobot yig‘ilishi bo‘lib o‘tdi. Tadbirda Milliy statistika qo‘mitasi raisi o‘rinbosari Ziyayev Zohidjon Muratovich boshchiligidagi markaziy apparat mas’ul xodimlari ham ishtirok etdi. Yig‘ilishda Kasaba uyushmasi qoʻmitasi a’zosi Nigora Dehkanova soʻzga chiqib, 2024-yil davomida amalga oshirilgan ishlar toʻgʻrisida hisobot berib o‘tdi. Shuningdek, Kasaba uyushmasi qoʻmitasi tomonidan statistika sohasida ishlab nafaqaga chiqqan xodimlar va ehtiyojmand oilalar uchun ko‘rsatilgan moddiy-ma’naviy ko‘maklar hamda shu kabi ishlar natijalari sarhisob qilindi. Yig‘ilish yakunida ishtirokchilar tomonidan ovoz berish yo‘li orqali Milliy statistika qo‘mitasi Kasaba uyushmasi qoʻmitasining yangi tarkibi saylandi. Yig‘ilish ishtirokchilari tomonidan eng ko‘p ovoz bilan Ro'yxatga olish jarayonlarini tashkil etish va o'tkazish boshqarmasi boshlig‘i Nurbek Sheraliyev Kasaba uyushmasi raisi, Demografiya, mehnat va gender statistikasi boshqarmasi boshlig‘i Zoyir Yuldoshev uning o‘rinbosari etib saylandi.
Tashkiliy o‘zgarishlar
Statistika agentligi yangicha shaklda
O‘zbekiston Respublikasi Prezidenti farmoniga binoan Statistika agentligi qayta tashkil etilib, Milliy statistika qo‘mitasi deb nomlandi. Yangi qo‘mitaga statistika tizimini xalqaro standartlarga mos holda rivojlantirish, ma’lumotlar ishonchliligini oshirish va statistik hisobotlarni takomillashtirish vazifasi yuklatildi. 2025-yil yakuniga qadar “Hududlar statistikasi” axborot tizimi ishga tushirilishi rejalashtirilgan. Shuningdek, sun’iy intellekt asosida “Maslahatchi” va “Tahlilchi” interaktiv xizmatlari joriy etilib, call-markaz faoliyati yo‘lga qo‘yiladi. 2025/2026 o‘quv yilidan Toshkent davlat iqtisodiyot universiteti tarkibida Iqtisodiy statistika kafedrasi filiali ochiladi.
Xalqaro hamkorlik
Yagona hisobotlar tizimi uchun Niderlandiya tajribasi
O‘zbekiston Yagona hisobotlar tizimini joriy etish jarayonida Niderlandiyaning Standard Business Reporting (SBR) tizimi tajribasidan foydalanadi. Shu maqsadda Niderlandiya mutaxassislari bilan onlayn davra suhbati o‘tkazildi. Unda ushbu tizimning biznes va davlat organlari uchun taqdim etadigan qulayliklari, hisobdorlikka oid ma’lumotlarni yagona standartlar asosida tartibga solish imkoniyatlari muhokama qilindi. Tadbirda Adliya vazirligi, Statistika agentligi, Raqamli texnologiyalar vazirligi hamda iqtisodiy va moliyaviy sohaga aloqador boshqa tashkilot vakillari ishtirok etishdi. Uchrashuv davomida Yagona hisobotlar tizimini O‘zbekistonda muvaffaqiyatli joriy etish bo‘yicha tajriba almashildi hamda davlat organlari mutaxassislarining ushbu sohada malakasini oshirish yuzasidan kelishuvlarga erishildi.
Qonunchilik yangiliklari
Tadbirkorlar uchun hisobot topshirishning yangi tartibi
O‘zbekiston Respublikasi Prezidentining 2024-yil 9-yanvardagi PQ-8-son qarori bilan tadbirkorlik subyektlari tomonidan davlat organlariga taqdim etiladigan hisobot va statistik ma’lumotlarning yagona ro‘yxati tasdiqlandi. Hujjatga ko‘ra, hisobotlar faqat axborot tizimlari orqali taqdim etiladi. 2026-yil 1-yanvargacha “Tadbirkorlik subyektining shaxsiy kabineti” orqali hisobotlarni shakllantirish va davlat organlariga taqdim etishni nazarda tutuvchi Yagona hisobotlar tizimi joriy qilinadi. Hisobotlarni topshirish quyidagi tartibda amalga oshiriladi: ️2026-yil 1-yanvardan barcha tadbirkorlar uchun — ixtiyoriy; ️2027-yil 1-yanvardan kichik va o‘rta biznes uchun — majburiy; 2028-yil 1-yanvardan barcha tadbirkorlar uchun — majburiy. Shuningdek, qarorga ko‘ra, 2024-yildan tadbirkorlardan talab qilinadigan, o‘zaro bir-birini takrorlovchi va davlat organlarining boshqa organlardan olish imkoniyati mavjud bo‘lgan sakkiz turdagi hisobot va statistik ma’lumotlar bekor qilindi.
